ГлавнаяРегистрацияВход Книга ПАМЯТЬ “Смолевичский район” Пятница, 21.07.2017, 05:30
  Партызанскі ўрач Приветствую Вас Гость | RSS

 
 

Марыя Юльянаўна Сіліч нарадзілася 1 красавіка 1916 г. у в. Юр'ева. Бацька яе працаваў фельчарам, маці была хатняй гаспадыняй. У Юр'еве Марыя закончыла пачатковую школу, у 1932 г. Смалявіцкую ШСМ. Потым вучылася ў Мінску на медрабфаку, у медінстытуце, які закончыла ў 1938 г. Была накіравана загадчыцай урачэбнага участка ў Мінскі раён. Працавала там да 1940 г. Па ўласным жаданні была пераведзена ў Жодзінскі сельсавет загадчыцай урачэбнага участка, дзе працавала да 1941 г.

Перад пачаткам Вялікай Айчыннай вайны, будучы ў дэкрэтным адпачынку, паехала да мужа, які быў ваеннаслужачым і знаходзіўся ў Беластоку.

У першыя дні вайны з цяжкасцю дабралася з Беластока да родных, якія жылі ў Жодзіне. У лютым 1942 г. стала сувязной партызанскай спецгрупы Салянікава. Пасля выконвала заданні па дастаўцы партызанам медыкаментаў, перавязачнага матэрыялу. У 1943 г. пайшла ў партызаны са сваей сям'ёй. Была залічана ў атрад імя Будзён

нага брыгады «Смерць фашызму». Там лячыла хворых і параненых партызан.

Пасля вызвалення раёна два месяцы працавала ў Смалявічах, загадвала партызанскім шпіталем, адначасова працавала ўрачом Смалявіцкай бальніцы. У верасні 1944 г. пераведзена ў Жодзіна, загадвала ўрачэбным участкам. У гэты перыяд тут будавалася участковая бальніца на 15 ложкаў. У ей Марыя Юльянаўна стала працаваць галоўным урачом.

У 1953 г. прайшла спецыялізацыю па педыятрыі і стала педыятрам у Жодзінскай бальніцы. 3 1962 г. працавала загадчыцай дзіцячага аддзялення. 25 лютага 1961 г. ей было прысвоена званне заслужанага ўрача БССР.

Памерла М.Ю.Сіліч у 1998 г.

Была ўзнагароджана медалямі «Партызану Айчыннай вайны» I ступені, «За перамогу над Германіяй у Вялікай Айчыннай вайне 1941 1945 гг.», «За працоўную адзнаку» і Граматай Вярхоўнага Савета БССР.

І.І.Сіняўскі.

 
 
Форма входа

Календарь новостей
«  Июль 2017  »
ПнВтСрЧтПтСбВс
     12
3456789
10111213141516
17181920212223
24252627282930
31

Поиск

Друзья сайта

Статистика

Онлайн всего: 1
Гостей: 1
Пользователей: 0
 

Copyright MyCorp © 2017