У 1991 г. на базе клуба па месцы жыхарства «Гагарынец» шляхам зліцця стан

цый юных натуралістаў і турыстаў і Дома піянераў было створана пазашкольнае творчае аб'яднанне. У 1998 г. у 33 гуртках. клубах займалася больш за 1300 вучняў школ горада.

На занятках дзеці атрымліваюць неабходныя ў жыцці веды і навыкі, закладваюцца асновы прафесіянальнай арыентацыі, развіваецца інтэлект, творчыя здольнасці, уменне супрацоўнічаць у калектыве, выхоўваюцца ўважлівыя адносіны да працы, міласэрнасць (у гуртках выкананы і перададзены вязаныя рэчы для выхаванцаў дзіцячага дома, сувеніры ветэранам вайны).

Гурткі працуюць па трох асноўных кірунках — дэкаратыўнапрыкладны; мастацкі; эколагатурыстычны, ваеннапатрыятычны і краязнаўчы.

У пазашкольным творчым аб'яднанні працуе клуб «Падлетак».

У ім 4 секцыі: «Лэдзі і джэнтльмэны» (ахоплівае ўсе кірункі да сямейнага жыцця, пры супрацоўніцтве з бацькамі).

Секцыя выканаўцаў аўтарскай песні (аб'ядноўвае моладзь, якая захапляецца бардаўскай песняй, валодае інструментамі і піша песні).

Секцыя «Вольны час» прымае ўсіх жадаючых арганізоўваць культурнамасавыя мерапрыемствы і ўдзельнічаць у іх.

Секцыя «Сям'я» займаецца арганізацыйнай работай з сем'ямі, у тым ліку і неблаганадзейнымі, развівае дабрачыннасць і міласэрнасць. У клубе «Эколаг» вучні набываюць экалагічныя веды з дапамогай практычнай дзейнасці. Клуб прымаў удзел у еўрапейскім праекце «Чыстае паветра». Класампартнёрам клуба ў гэтым праекце сталі юныя эколагі з Латвіі.

Пазашкольнае творчае аб'яднанне апрабіруе новыя формы масавай работы выхавання і развіцця вольнай, здольнай, таленавітай асобы, узбагачанай новымі ведам!, здольнай да самавызначэння і самарэалізацыі. Распрацавана праграма «Парусы надзеі», у рамках якой праводзяцца чэмпіянат па інтэлектуальных гульнях, навуковатэарэтычная вучнёўская канферэнцыя, гарадскі злёт пераможцаў алімпіяды, фестываль творчасці маладых.

Выхаванцы аб'яднання неаднойчы станавіліся пераможцамі і прызёрамі абласных спаборніцтваў па інтэлектуальных гульнях, спартыўным арыентаванні і турызме.

У 1996 г. станцыя юных тэхнікаў г. Жодзіна адзначыла сваё 30годдзе. За гэты час станцыя вырасла і якасна і колькасна.

Усяго 4 гурткі функцыянавалі ў 1966 г., а ў канцы 1990х гадоў іх было 41. Працуюць яны па 3 накірунках: спартыўнатэхнічныя гурткі (іх 22, у тым ліку авія і ракетамадэліраванне, юных вадзіцеляў мапедаў, матацыклістаў, аўтамадэліраванне, юных пажарных); вытворчатэхнічныя (радыёэлектронная аўтаматыка, фотагурткі, гурткі інфарматыкі, кінастудыя і інш.); пачатковае тэхнічнае мадэліраванне (разьба па дрэве, аплікацыя саломкай і інш.).

За 30 гадоў існавання станцыя прапусціла праз свае гурткі больш за 10 000 вучняў. Некаторыя з іх вярнуліся сюды ўжо ў якасці кіраўнікоў гурткоў.

Асноўныя задачы станцыі юных тэхнікаў — стварэнне аптымальных умоў для інтэлектуальнага развіцця, задавальненне інтарэсаў вучняў, іх самаадукацыі і творчай працы, прафесіянальнага самавызначэння, інструктыўнаметадычнае кіраўніцтва дзіцячай тэхнічнай творчасцю ў горадзе.

I з гэтымі задачамі паспяхова спраўляецца хоць і малалікі, але творчы педагагічны калектыў.

Гурткоўцы станцыі прымалі актыўны ўдзел у абласных і рэспубліканскіх спаборніцтвах і выстаўках і заўсёды вярталіся з прызамі.

Л.П.Уласік.