Горад маладых

Жодзіна — горад маладых. I невыпадкова пытанням работы з моладдзю тут надаюць асаблівую ўвагу.

У сакавіку 1992 г. быў створаны аддзел па справах моладзі Жодзінскага гарвыканкома. У адпаведнасці з палажэннем створаны камітэт па справах моладзі, у які ўвайшлі прадстаўнікі існуючых маладзёжных грамадскіх арганізацый, фарміраванняў. Аддзел па справах моладзі каардынуе іх работу, аказвае арганізацыйную і фінансавую дапамогу, а таксама працуе па стварэнні розных клубаў па інтарэсах.

У кастрычніку 1996 г. на пасяджэнні выканкома гарадскога выканаўчага камітэта была прынята комплексная праграма «Моладзь» на 1996—1998 гг.

Адзін з важнейшых яе пунктаў — паляпшэнне жыллёвых і сацыяльнабытавых умоў жыцця моладзі.

Распрацаваны разам з аддзелам ЗАГС мерапрыемствы па падтрымцы маладой сям'і: публікацыі спецыялістаў у мясцовых сродках масавай інфармацыі па пытаннях сям'і, брака, работа «тэлефонаў даверу» пры рэгіянальным цэнтры адукацыі моладзі «Касталія» і пры аддзеле ЗАГС па аказанні кансультацыйнай і псіхалагічнай дапамогі маладым сем'ям. Гэта і правядзенне конкурсаў маладых сем'яў з мэтай прапаганды здаровага ладу жыцця, станоўчага сямейнага вопыту, дыскусій сярод старшакласнікаў школ горада на тэму «Я   і мая сям'я».

У 1996 г. абласны выканаўчы камітэт прыняў рашенне аб пераўтварэнні двух аднапрофільных ПТВ у цэнтр прафесійнага навучання. Стварэнне цэнтра дазваляе палепшыць прафесійную арыента

цыю выпускнікоў школ, расшырыць пералік прафесій, якія можна атрымаць у цэнтры. На базе СШ №1 створаны тэхнічныя класы, у якіх навучаюцца падлеткі, схільныя да правапарушэнняў, з неспрыяльных сем'яў, навучэнцы, якім з цяжкасцю ўдаецца засвоіць праграмы базавага ўзроўню агульнаадукацыйнай школы.

Не менш важным кірункам дзейнасці аддзела па справах моладзі з'яўляецца духоўнамаральнае развіццё моладзі і выхаванне патрыятызму і грамадзянскай адказнасці. Штогод праводзяцца фестывалі аўтарскай песні «Голас сучаснасці», розныя конкурсы, КВЗ сярод старшакласнікаў, канцэрты маладзёжных музычных груп. Шырыцца правядзенне ў горадзе свят, прысвечаных знамянальным гістарычным падзеям беларускага народа, з удзелам у іх моладзі.

Аддзелам па справах моладзі створаны Жодзінскі музычны клуб «Вікторыя». Гэта аб'яднанне самадзейных і прафесійных музыкантаў і выканаўцаў горада для іх знаёмства, пошукаў талентаў і садзейнічання ў іх раскрыцці.

Наладжана работа пошукавага атрада «Саланг» — клуба па патрыятычным выхаванні моладзі. Асноўнымі кірункамі яго работы з'яўляюцца аказанне дапамогі ветэранам Вялікай Айчыннай вайны, састарэлым людзям, збор звестак аб баявых дзеяннях на тэрыторыі Смалявіцкага раёна ў гады вайны, пошукавая работа ў архівах, апытанне мясцовых жыхароў дзеля ўвекавечвання памяці ахвяр вайны. У клубе больш за 30 чалавек ^навучэнцы школ, палітэхнікума, цэнтра прафесійнага навучання).Здольная моладзь і творчая інтэлігенцыя — яшчэ адзін напрамак маладзёжнай палітыкі. Гэта і правядзенне конкурсаў маладых паэтаў, маладых мастакоў, аказанне дапамогі здольным дзецям і таленавітай моладзі (арганізацыя паездак на фестывалі, канцэрты).

3 мэтай прапаганды турьізму і здаровага ладу жыцця створаны гарадскі турыстычны клуб «Вандроўнік». Штогод праводзяцца турыстычныя паходы на плытах, катамаранах, велапаходы. Лепшыя каманды прымаюць удзел у абласных турыстычных спаборніцтвах.

Развіваецца сетка клубаў для падлеткаў і па месцы жыхарства. 3 1995 г. дзейнічае рэгіянальны стваральны цэнтр моладзі «Касталія», арганізаваны для аказання стваральных і псіхолагапедагагічных паслуг дзецям, падлеткам, маладым людзям, усім хто мае патрэбу ў такой дапамозе.

Цэнтр «Касталія» пабудаваны па прынцыпе еўрапейскіх стваральных цэнтраў, у аснове якіх прызнанне унікальнасці і непаўторнасці кожнай асобы, павага да індывідуальнай пазіцыі і думкі другога, дэмакратызм і адкрытасць ва ўзаемаадносінах. «Касталія» аб'яднала ў сумеснай дзейнасці вучоных, сацыяльных работнікаў, студэнтаў — будучых педагогаў і многіх падлеткаў. Большасць актывістаў цэнтра маюць вопыт замежных стажыровак, іпто дае магчымасць улічваць і выкарыстоўваць вопыт замежных калег. У аснове дзейнасці «Касталіі» реалізацыя ідэі аб'яднання нетрадыцыйнай адукацыйнай практыкі і сацыяльнай работы з падлеткамі і моладдзю. Галоўная мэта семінараў (працягласцю 5 — 6 дзён кожны) — аказанне дапамогі маладым людзям у рэалізацыі ўласнага «я», выпрацоўцы ўмення рабіць індывідуальны выбар ва ўмовах няпэўнага будучага, прыняцці індывідуальнага рашэння і ўмення браць на сябе адказнасць, у ажыццяўленні творчай дзейнасці ва ўмовах бесканфліктнага ўзаемадзеяння з іншымі.

Навучальныя семінары звязаны з работай удзельнікаў у мікрагрупах, рознымі трэнінгамі, ролевымі і дзелавымі гульнямі.

Цэнтр мае вопыт правядзення семінараў і для дарослых людзей, спецыялістаў, якія працуюць з моладдзю.

Сацыяльная накіраванасць работы «Касталіі» дапускае: стварэнне падлеткам і моладзі ўмоў для правядзення вольнага часу, для сацыяльнакаштоўнай сувяз!, аказанне псіхолагапедагагічнай дапамогі ў вырашэнні персанальных канфліктаў, канфліктаў у сям'і, з сябрамі і т.д., дзейнасць службы тэрміновай тэлефоннай дапамогі.

«Касталія» мае цесныя сувязі з рознымі маладзёжнымі арганізацыямі, цэнтрамі сацыяльнай работы і сацыяльнай дапамогі рэспублікі.

У сучасны момант цэнтр ажыццяўляе працяглую праграму па стварэнні ў яго рамках шматфункцыянальнага маладзёжнага клуба еўрапейскага ўзору.

Аддзел па справах моладзі разам з цэнтрам «Касталія» займаецца стварэннем маладзёжнага сацыяльнапедагагічнага комплексу ў рамках рэгіянальнага стваральнага цэнтра моладзі «Касталія». Пад яго размяшчэнне аддзелу па справах моладзі перададзена ў арэнду тэрмінам на 15 гадоў памяшканне былой сталовай па вул. 40 год Кастрычніка. На першым этапе стварэння гэтага комплексу рыхтуецца праект дзіцячага прытулку, неабходнасць у якім ёсць.

Адной з формаў работы з моладдзю і падлеткамі па прафілактыцы правапарушэнняў, злачынстваў з'яўляецца распрацоўка сумеснага плана мерапрыемстваў аддзеламі выканкома па справах моладзі, асветы і культуры. Пастаянна праводзяцца тэматычныя вечарыны для падлеткаў, схільных да правапарушэнняў, сустрэчы з працаўнікамі праваахоўных органаў, пракуратуры, сустрэчы з урачамі. На гэтыя вечары запрашаюцца прадстаўнікі розных маладзёжных клубаў, аб'яднанняў, спартыўных секцый.

У апошнія гады аддзелам па справах моладзі ствараліся будаўнічыя атрады з ліку навучэнцаў ПТВ, «цяжкіх» падлеткаў, якія накіроўваліся ў Стаўрапольскі край на ўборку агародніны і фруктаў. Сумесна з гарадскім цэнтрам экалогіі арганізоўваліся экалагічныя дэсанты па ўборцы зялёнай зоны.

Рашэннем гарвыканкома штогод ажыццяўляецца браніраванне працоўных месцаў на прадпрыемствах горада для працаўладкавання непаўналетніх.

Т. П. Краўцэвіч.